Aatsitassat ikummatissallu pillugit allaffissorneq

Aatsitassarsiorneq ikummatissarsiornerlu malittarisaliuussaavoq Aatsitassat pillugit ingerlatallu tamatumunnga pingaarutillit pillugit inatsisartut inatsisaat nr. 7, 7. december 2009-imeersumi. Inatsit atuutilerpoq 1. januar 2010-mi tassuunakkullu naqissuserneqarluni Kalaallit Nunaata namminersornermi inatsit tunngavigalugu nammineq ingerlatsilernera.

Isertitat

Inatsisip siunertarivaa immikkut naleqquttunngorsaanikkut Kalaallit Nunaanni aatsitassat pisuussutinit pisut isumannaassuseq, peqqissuuneq, avatangiisit, inuiaqatigiillu qajassuunnerisigut suliarineqartassasut.

Kalaallit Nunaat qanoq ilisumik aatsitassalerinikkut isertitaqalissappat, naalagaaffiup namminersortunut tapiissutaa millisinneqassaaq, isertitat affaannik annertussusilimmik, ukiumi isertitaasut 75 mil. koruuninik annertuneruppata. Ataatsimoortumik tapiissutit nungutivinneqassappata, nutaamik Kalaallit Nunaata Danmarkillu akornanni aningaasatigut attuumassuteqarneq pillugu isumaqatigiinniartoqassaaq.

Kalaallit Nunaata piginnittussaanera

Kalaallit Nunaanni Namminersorlutik Oqartussat tassaapput nunatta iluanik piginnittussaatitaasut, taamatullu misissueqqaarnissanut, atuinissaq siunertaralugu misissuinernut iluaqutiginiarlugulu piiaanernut taamatullu atugassatut toqqorterinernut sullulitsigullu assartuinikkut.

Aatsitassiorneq pillugu apeqqutit Aatsitassanut Ikummatissanullu Pisortaqarfimmit ingerlanneqarput.